Almaty oblysyna jumys sapary sheńberinde QR Ulttyq ekonomika ministri Áset Erǵaliev Almaty oblysynyń aýmaǵyndaǵy tórt spýtniktik qala - «G4 City» qurý jobasymen tanysty, dep habarlaidy "Ult aqparat" ministrliktiń baspasóz qyzmetine silteme jasap.
Ministr «G4 City» jobasynyń kórsetilim galereiasynda boldy. Onda jobanyń tolyq aýqymdy modeli ornalasady, onyń ishinde Gate City spýtniktik qalasynyń ońtústik josparlaý aimaǵynyń dálizin damytý da qarastyrylady.
Bolashaqta «G4 City» aqyldy qalaǵa ainalýy kerek, ol tórt aýdannan turatyn bolady: Gate District - biznes -qarjy ortalyǵy, Golden District - bilim berý jáne meditsinalyq hab, Growing District - óndiristik jáne logistikalyq hab, Green District - týrizm jáne oiyn-saýyq «Almaty-Qapshaǵai» tas jolynyń boiynda ornalasqan.
Búgingi kúni «Qoianqus» turǵyn alabyn damytýdyń birinshi kezeńiniń jobasy, jobalyq smetalyq qujattary ázirlendi jáne qurylysty bastaý úshin barlyq qajetti infraqurylym júrgizildi.
«G4 City» devolepmentti damytýdy Singapýr Surbana Jurong Group memlekettik kompaniiasy júzege asyrady. Bul Aziiadaǵy iri qalalyq jáne infraqurylymdyq korporatsiialardyń biri. Singapýr Temasek Holdings ulttyq bailyq qoryna jatady, 16 myń adam jumys isteidi, álemniń 40 elinde bar. Kompaniia Singapýrda 1 millionnan astam páterdiń qurylysyn aiaqtady, 30 elde bas josparlardy ázirledi jáne 100 -den astam indýstrialdy parkterdiń jobasyn jasady.
Sonymen qatar, aǵymdaǵy jylǵy 30 qyrkúiekte Singapýr delegatsiiasynyń Qazaqstan Respýblikasyna sapary sheńberinde QR Ulttyq ekonomika ministrliginiń basshysy Singapýrdyń «Surbana Jurong Group» investitsiialyq kompaniiasynyń basshylyǵymen kezdesti.
Taraptar Almaty aglomeratsiiasyn damytýdyń investitsiialyq jobasyn júzege asyrýdyń keleshegin talqylady jáne «G4 City» jobasy boiynsha ózara tiimdi yntymaqtastyqty atap ótti.
