Foto: Akorda.kz
Syrtqy ister ministrliginiń resmi ókili Aibek Smadiiarov eks-prezident Nursultan Nazarbaevtyń Belarýs basshysymen telefon arqyly tildesýine qatysty qatysty pikir bildirdi, dep habarlady "Ult aqparat".
"Biz ol aqparatty kórdik. Árine, Belarýs prezidenti - bizdiń eks-prezidentimizdiń baiaǵydan kele jatqan seriktesi. Sondyqtan olarda talqylaityn taqyryp kóp.
Degenmen, ózderińiz biletindei, syrtqy saiasatty, onyń ishinde shet memlekettermen qarym-qatynasty aiqyndaý Qazaqstan Prezidenti Qasym-Jomart Toqaevtyń quzyretinde. Sondyqtan Qazaqstan-Belarýs qarym-qatynasy tek qazirgi memleket basshylary arasynda talqylanady", - dedi Smadiiarov brifingte.
Onyń aitýynsha, Qazaqstan men Belarýs Respýblikasy arasyndaǵy qarym-qatynas strategiialyq sipatqa ie.
«Kún tártibinde problemalyq máseleler joq. Eki el arasynda barlyq deńgeidegi turaqty jáne ártúrli bailanys saqtalady», - deidi ol.
Eske salaiyq, Belarýs prezidenti baspasóz qyzmetiniń Telegram-arnasy jeksenbide tústen keiin Aleksandr Lýkashenko Qazaqstannyń tuńǵysh prezidenti Nursultan Nazarbaevpen sóilesip, halyqaralyq jaǵdaidy, aimaqtaǵy jaǵdaidy jáne Belarýs-Qazaqstan qarym-qatynastaryn talqylaǵanyn habarlaǵan edi.
