Qazaqstan SIM ókili Londondaǵy Ázerbaijan elshiligine jasalǵan shabýylǵa qatysty pikir bildirdi, - dep habarlaidy "Ult aqparat" vedomstvonyń baspasóz qyzmetine silteme jasap.
"Biyl 4 tamyzda ekstremisterdiń Londondaǵy Ázerbaijan Respýblikasynyń elshiligine shabýylyna bailanysty diplomatiialyq ókildikter men olardyń qyzmetkerlerine qatysty zorlyq-zombylyqtyń kez kelgen kórinisi qabyldanbaidy dep sanaimyz.
Halyqaralyq quqyqtyń negizderi men normalaryn buzýdyń osyndai aktileri jalpyǵa birdei aiyptalýǵa jatady jáne olardyń uiymdastyrýshylaryn jaýapkershilikke tartý maqsatynda muqiiat tergeýdi talap etedi.
Biz ázerbaijan halqynyń tózimdiligine senimdimiz jáne baýyrlas memleket úshin qiyn jaǵdailarda jan-jaqty qoldaý kórsetýge daiyn ekenimizdi bildiremiz.
Eske salaiyq, elshilik ǵimaratyna basyp kirgen ekstremister dini jalaýlaryn kóterip, dini urandaryn aitqan bolatyn. Politsiia top múshelerin ǵimarattan shyǵaryp, ustady. Shabýyl 4 tamyzda bolǵan edi.
