Jan Serjanuly Ǵaliev Qazaqstan Respýblikasy Syrtqy ister ministrligi Halyqaralyq aqparat komitetiniń tóraǵasy bolyp taǵaiyndaldy, - dep habarlaidy "Ult aqparat".
Jan Ǵaliev 1972 jyly jeltoqsanda dúniege kelgen.
1994 jyly Qazaq memlekettik halyqaralyq qatynastar jáne álem tilderi ýniversitetin;
1996 jyly «Bolashaq» baǵdarlamasy boiynsha Halyqaralyq qatynastar institýtyn (Strasbýrg q., Frantsiia);
1998 jyly Frantsiia Premer-ministri janyndaǵy Halyqaralyq memlekettik basqarý institýtyn (Parij q.), Adam quqyqtary institýtyn (Strasbýrg q.), Halyqaralyq quqyq akademiiasyn (Gaaga q., Niderland);
2006 jyly QR Syrtqy ister ministrliginiń Diplomatiialyq akademiiasyn bitirdi.
Eńbek jolyn Qazaqstan Respýblikasy Prezidentiniń janyndaǵy Ulttyq joǵary memlekettik basqarý mektebinde tilshi-sarapshy retinde bastaǵan.
1999 jyldan bastap QR SIM júiesinde, Ekijaqty yntymaqtastyq departamentiniń referenti, úshinshi hatshysy, ekinshi hatshysy retinde jumys istedi;
2001 jyldan 2005 jylǵa deiin Frantsiiadaǵy QR Elshiliginiń ekinshi hatshysy boldy, odan keiin QR SIM Eýropa jáne Amerika departamentiniń Eýropa basqarmasynyń basshysy laýazymyna taǵaiyndaldy.
Keiin Belgiia men Frantsiiadaǵy QR elshilikterinde Keńesshi-ýákil, sondai-aq QR SIM Erekshe tapsyrmalar jónindegi elshisi bolyp jumys istedi.
QR SIM Halyqaralyq aqparat komitetiniń tóraǵasy laýazymyna taǵaiyndalǵanǵa deiin 2017-2022 jyldar aralyǵynda Qazaqstan Respýblikasynyń Frantsiiadaǵy jáne Monakodaǵy Tótenshe jáne Ókiletti Elshisi, IýNESKO janyndaǵy Turaqty ókili boldy.
2021 jyldyń jeltoqsan aiynda "Qurmet" ordenimen marapattaldy. I synypty Tótenshe jáne Ókiletti Ýákil diplomatiialyq dárejesine ie. Frantsýz jáne aǵylshyn tilderin meńgergen.
