Foto: ria.ru
Qazaqstandyq BAQ pen áleýmettik jelilerde Reseidegi Tomsk memlekettik ýniversitetinde bilim alyp júrgen 23 jastaǵy qazaqstandyq stýdenttiń iz-túzsiz joǵalyp ketkeni, sondai-aq onyń "Vagner" jeke áskeri kompaniiasy quramynda soǵysqa jiberilgeni týraly aqparat tarady. Osyǵan bailanysty Syrtqy ister ministrliginiń resmi ókili Aibek Smadiiarov pikir bildirdi, dep habarlaidy "Ult aqparat".
"Qolda bar derekterge sáikes, Qazaqstan azamaty "Vagner" jeke áskeri kompaniiasymen óz erkimen kelisim-shartqa otyrǵan. Qazaqstannyń Máskeýdegi elshiligi osy azamattyń týystarynyń ótinishi boiynsha Reseidiń quzyrly organdaryna tiisti saýaldar joldaǵan. Aqparat tekserilip jatyr. Konsýl azamattyń týystarymen turaqty bailanysta", - dedi Smadiiarov.
