Foto: QR SIM
Syrtqy ister ministrliginiń resmi ókili Aibek Smadiiarov Qazaqstan men Qytai Úkimetteri arasyndaǵy aqparat almasý kelisimine túsinik berdi, dep habarlaidy QazAqparat agenttigi.
«Qytaidaǵy qazaqtardyń máselesimen ainalysatyn quqyq qorǵaý uiymdary Almatyda birneshe ret jiyn ótkizip, alańdaýshylyq bildirip jatyr. Qazaqstan men Qytai Úkimetteri rásimdegen qujat arqyly (Qazaqstan Úkimeti men Qytai Úkimeti arasyndaǵy taraptar memleketteriniń azamattaryna qatysty aqparat almasý týraly kelisimdi ratifikatsiialaý týraly zań) erteń Qazaqstan azamattyǵyn suraǵan ulty qazaqtardyń pasportyna veto jariialaýy múmkin degen qaýip bar. Osyǵan negiz bar ma?» dep surady BAQ ókilderi atalǵan vedomstvoda ótken brifingte.
SIM resmi ókiliniń aitýynsha, atalǵan kelisimniń basty oryndaýshysy — Ishki ister ministrligi.
«Sondyqtan men tolyq túsinikteme bildire almaimyn. Óitkeni bul qujattyń mán-jaiyq anyq bilmeimin. Ózderińiz bilesizder, karantinnen keiin myńdaǵan qandasymyz elge keldi. Ol — qytai tarapymen tyǵyz jumys istegenimizdiń nátijesi. Sondyqtan odan qorqýdyń qajeti joq. Tek qana zańsyz qujatpen júrgen, qos azamattyǵy bar adamdardy anyqtaý úshin jasalyp jatyr», — dedi resmi ókil.
Ol Qytaidyń azamattyǵynan shyqpai sol elden zeinetaqy alyp júrgen, biraq Qazaqstanda turatyn azamattarǵa shekteý qoiylatynyn aitady.
«Bári dep aita almaimyn. Biraq arasynda bar. Qytai azamattyǵynan shyqpai sol jaqtan zeinetaqysyn alyp júredi. Bul jaqqa kelip qujattaryn rásimdeidi. Solai eki eldiń arasynda júretinder bar. Eki elden birdei tólem alý zańsyz. Zańdy buzǵannan keiin mindetti túrde shara qoldanylady», — dedi Aibek Smadiiarov.
Aita keteiik, taiaýda Májilistiń jalpy otyrysynda Qazaqstan Úkimeti men Qytai Úkimeti arasyndaǵy taraptar qos eldiń azamattaryna qatysty aqparat almasý týraly kelisimdi ratifikatsiialaý týraly zań qabyldanǵan edi.
