Reseidiń Irkýtsk oblysynda tolassyz jaýǵan nóserden keiin 27 shildede bastalǵan sý tasqyny 20 eldi mekendegi 475 úidi shaiyp ketti, dep habarlaidy TASS agenttigi.
«Oblystyń segiz aýdanyn sý basty. 20 eldi mekendegi 475 úi sý astynda qaldy. Onda turatyn 2 myń 699 adam, sonyń ishinde 653 bala zardap shekti. Budan tys, 657 úidiń aýlasy, áleýmettik mańyzy bar eki nysan, bir avtomobil kópiri, avtojoldardyń úsh ýchaskesin de sý basqan», - dep málimdedi TJM óńirlik bas basqarmasynyń baspasóz qyzmeti.
Nóser saldarynan Kirei, Iia, Olha, Katarjanka, Solzan, Harlahta, Oka, Toisýk jáne Horka ózenderiniń sý deńgeii kóterilgen.
Iia ózeniniń eń kóp zardap shekken Týlýn qalasynyń mańyndaǵy bóliginde sý deńgeii 9,9 m jetken, al shektik meje 7 m bolatyn.
Aita keteiik, tasqynnyń alǵashqy tolqynynda Iia ózeniniń deńgeii 13 metrge jetken. Sol kezde 887 turǵyn úi sý astynda qalyp, 835 adam evakýatsiialanǵan edi.
