QR IIM Tótenshe jaǵdailar komitetiniń tóraǵasy Vladimir Bekker Reseidiń Sibir aýmaǵyndaǵy órttiń taralýy Qazaqstanǵa qaýip týdyrmaitynyn málim etti, dep habarlaidy QazAqparat tilshisi.
«Bul órt bizge qater týdyrmaidy. Tótenshe jaǵdailardyń úilestirýshisi retinde barlyq órtke qatysty máseleni baqylaýda ustaýǵa jáne der kezinde kómek kórsetýge tyrysamyz», - dedi V. Bekker.
Onyń paiymynsha, el aýmaǵy úlken bolǵandyqtan tilsiz jaýmen kúres reseilik qutqarýshylar úshin qiynǵa soǵyp tur.
«Biz órtti bastapqy kezeńde óshirýge bar kúsh-jigerimizdi salyp kelemiz. Ókinishke qarai, Reseide tabiǵi órtter problemasy bar. Óitkeni bul eldiń aýmaǵy óte úlken. Sonymen qatar, bizdegi siiaqty RF-te eldi mekender araqashyqtyǵy tym alshaq. Reseilikter órt oshaqtary anyqtalǵan jaǵdaida bizge habar beredi. Bul sharalar órtke ýaqytyly áreket etý úshin jasalady», - dedi ol.
Eske sala ketsek, buǵan deiin elordany basqan tútin Reseidegi orman órtterinen kelip jatqanyn habarlaǵan bolatynbyz.
