"Reseidiń Iakýtiia, Krasnoiar ólkesi jáne Irkýtsk oblysyndaǵy úsh million gektar jerdi órt shaldy. Orman tútini Edil jaǵalaýy men Qazaqstanǵa jetti" dep tujyrymdaidy reseilik Greenpeace uiymynyń orman órtimen kúres bóliminiń jetekshisi Grigorii Kýksin RFI saityna bergen suhbatynda. "Krasnoiarsk. Nebo" jobasynyń avtory Igor Shpeht biliktiń órtti sóndirýge kúsh salmai otyrǵanyn, órt jaily eshqandai aqparat joǵyn aitty.
"Biz Resei Federatsiiasynda turyp jatpaǵan siiaqtymyz" dedi ol.
2019 jyly jazda bastalǵan órt 11 million gektarǵa sozylǵan baqylaý aimaǵy dep atalatyn óńirden bastalǵan. Resei biligi órt sóndirýge ketken qarjy keletin shyǵyn kóleminen artyq bolǵandyqtan órtti sóndirmeý týraly sheshim qabyldaǵan. Tek eldi mekenderge jaiylýyna jol bermeý kerek degen. Alaida Igor Shpehtiń aitýynsha, órttiń baǵyty endi eldi mekender jaqqa qarai aýysyp jatyr.
Orman órti saldarynan Sibirdiń barlyq aýmaǵyn bir aptadan beri tútin basqan. Turǵyndar aýada tútin men ys iisi baryn aitady. Bilik órtten eshqandai qaýip joǵyn, alys jaqtaǵy ormandardy sóndirý ekonomikalyq turǵyda tiimsiz ekenin jáne tehnikalyq jaǵynan kúrdeli aitady.
