2 tamyz keshki saǵat 19:30 shamasynda Jońǵar-Alataý parkiniń memlekettik inspektorlary kezekti reid barysynda Toqty memlekettik tabiǵi qaýmaly aýmaǵynda Toyota Land Cruiser Prado markaly avtokólikti toqtatty, dep habarlaidy QazAqparat.
Orman sharýashylyǵy jáne janýarlar dúniesi komitetiniń málimetinshe, kólik ishinde bolǵan Qazaqstan azamaty men ispan ultynyń eki ókili ustaldy.
«Kólikti tintý barysynda júk salý bóliginen 2 dana Sibir taýtekeleriniń bastary, terisimen jáne eki qapqa salynǵan salmaǵy 60-62 kg etteri, sondai-aq shet el azamattaryna tiesili eki qarý - Mannlicher, Bleizer tárkilendi», - dep jazdy vedomstvodan.
Atalǵan fakti boiynsha is tergep-tekserý amaldaryn júrgizý úshin Jetisý oblysy Alakól aýdandyq politsiia bólimine jiberildi.
