Sibirdiń jáne Qiyr Shyǵystyń 93 eldi mekeninde orman órtinen shyqqan tútin seiilmei tur. Jalpy Resei Federatsiiasynda órttiń 453 oshaǵy bar, dep habarlaidy TASS agenttigi RF TJM baspasóz qyzmetine silteme jasap.
«Avialesohrana» federaldyq biýdjettik mekemesiniń málimetinshe, orman órtiniń 453 oshaǵy áli sóndirilmegen, 28-i aýyzdyqtaldy. Iakýtiia, Krasnoiar ólkesinde jáne Irkýtski oblysynda áli de jaǵdai ońalar emes. 93 aýdandy tútin basyp tur», - dedi vedomstvo ókili.
TJM áýe kemeleri bir táýlikte tutaný oshaqtaryna 929 tonna sý jiberdi. 696 adamnan jáne 39 tehnikadan jerústi aeromobildik toby jasaqtaldy. Sondai-aq, Tomsk oblysynan jáne Krasnoiar ólkesinen arnaiy top eldi meken aýmaǵyndaǵy 5 shaqyrymǵa sozylǵan órt oshaǵyn sóndirýge attandy.
