QHR Tóraǵasy Si Tszinpin seisenbi kúni Hýbei provintsiiasyndaǵy Ýhan qalasyna keldi, dep habarlaidy Sinhýa agenttigi.
QHR Tóraǵasy COVID-19 jańa koronavirýs pnevmoniiasy órship turǵan qaladaǵy «Hoshenshan» aýrýhanasyna inspektsiia jasaý úshin barǵan.
Si Tszinpin aýrýhanany paidalaný, naýqastardy qabyldaý jáne emdeý jaǵdaiymen, meditsina qyzmetkerleri úshin qorǵanys sharalarymen, sondai-aq epidemiiaǵa qarsy kúreske baǵyttalǵan ǵylymi zertteýlermen tanysty.
Sondai-aq, ol onda emdelip jatqan naýqastardy aralap, epidemiiamen kúndiz-túni kúresip jatqan meditsina qyzmetkerlerimen amandasty.
Aita keterligi, «Hoshenshan» - COVID-19 naýqastaryn emdeý úshin arnaiy 10 kún ishinde salynǵan myń oryndyq ýaqytsha aýrýhana.
