Shanhai yntymaqtastyq uiymynyń aqparattyq qaýipsizdik jónindegi ortalyǵyn tezirek qurý qajet. Bul týraly Dýshanbede ótip jatqan ShYU-ǵa múshe memleketter basshylary keńesinde QR Prezidenti Qasym-Jomart Toqaev aitty, dep habarlaidy QazAqparat.
«Qazirgi zamanǵy kezeńde óńirlik qaýipsizdik problemasy barynsha ózekti bola túsýde. Bul salada oń nátijelerge qol jetkizilgendige de qýantarlyq. Oǵan aiqyn dálel - búgin biz bekitetinen ShYU-ǵa múshe elderdiń 2022-2024 jyldarǵa arnalǵan terrorizmge, separatizmge jáne ekstremizmge qarsy is-qimyl yntymaqtastyǵy baǵdarlamasy. Sonymen qatar biz terrorizm men ekstremizmdy qarjylai qamtamasyz etip otyrǵan esirtkiniń zańsyz ainalymymen jáne esirtkibiznesimen tiimdi kúresý úshin birlesken kúsh-jigerdi jalǵastyrýǵa daiynbyz», - dedi Qasym-Jomart Toqaev.
QR Prezidenti ShYU qarym-qatynasyn rásimdeý Ortaaziialyq óńirlik aqparattyq úilestirý ortalyǵynyń bul baǵyttaǵy aqparat almasý men ózara is-qimyldy jaqsartatyndyǵyn basa aitty.
«Sońǵy jyldary kiberqaýipsizdik máselesi de aldyńǵy qatarǵa shyǵyp otyr. ShYU-nyń aqparattyq qaýipsizdik jónindegi ortalyǵyn tezirek qurý mańyzdy qajettilikterge tolyqqandy jaýap berip, uiymnyń aqparattyq keńistiginiń qorǵalýyn nyǵaitady. Ekonomikalyq saladaǵy transulttyq qylmys ta ótkir problema sanalady. Menińshe, ShYU-ǵa múshe memlekettirk ekonomikalyq tergeý organdary basshylarynyń keńesý formatyn iske qosý bizdiń ujymdyq kúsh-jigerimizdi jańa deńgeige kóteredi», - dedi Memleket basshysy.
