Shymkentte kópbalaly ana kúieýinen kórgen zorlyqtyń kesirinen ózine qol jumsamaq boldy, - dep habarlaidy Tengrinews.kz portaly vera.kz saityna silteme jasap.
Portalǵa bergen suhbatynda 31 jastaǵy Gúlmira "jeti jyl boiy tozaqta ómir súrgenin" aitty, Áiel adam kúieýinen kórgen zábirdiń kesirinen ózine qol jumsamaq boldy, alaida ony qutqaryp qalǵan. Aýrýhanadan keiin Gúlmira daǵdarys ortalyǵyna túsip, besinshi balasyn týǵan.
"Bul - meniń ekinshi nekem. Úlken qyzym birinshi nekemnen. Jeti jylda ekinshi kúieýimnen tórt qyz týdym. Ol jumys istemeitin, ishimdikke salynyp, marihýanamen áýestenetin. Ata-anasynyń zeinetaqysyna ómir súretin. Úge mas bolyp kelip, únemi meni uryp, zorlaityn, bári balalardyń da, ata-anasynyń da kózinshe bolatyn. Men jolyn tabýǵa tyrystym, alaida ishimdik pen esirtki jeńip ketetin. Saý kezinde balalardy alyp, qydyryp keletin, sol kezde balalarym baqytty ekenin baiqaitynmyn. Olarǵa ákeniń ornyn basa almaitynymdy túsinetinmin. Balalarymnyń baqytty kezi men onyń "bári jaqsy bolatyny týraly" ýádeleri. Apta qol jumsaýmen bastalyp, uryp-soǵýmen bitetin, men solai ómir súrip keldim", - deidi áiel adam.
