Shymkentte fizika-matematika baǵytyndaǵy Nazarbaev Ziiatkerlik mektebiniń 12-synyp oqýshysy Qýanysh Máden qubyr tazalaýshy robot oilap tapty. Oqýshy óz jobasyn eki jyl boiy oilastyryp, avtorlyq patentin ielendi, dep habarlaidy "Ult aqparat".
Qýanysh Máden ózi oilastyrǵan robottyń tehnikalyq referatyn ázirlep, formýlasy men shemalary jazylǵan qujattardy Ulttyq ziiatkerlik menshik institýtyna tapsyrǵan. Ideia avtorlyǵyn rastaityn patentti ótken jyly ielengen.
Ideia avtory qubyr tazalaityn robotty bólshektep jinaǵan. Shymkenttik oqýshynyń robotyn búkil Qazaqstan biledi.
«Jobamdy qazir kóbi biledi. Sebebi men biraz jarystarǵa qatystym. Bul jumysym maǵan respýblikalyq «3.2.1. START» baiqaýynda 1-oryn jáne 1 mln teńge kóleminde qarjylai syiaqy, 60 memleket arasynda ótken halykaralyq CASTIC-2019 jarysynda injenerlik ǵylymdar sanatynda 2-oryn alyp berdi»,- deidi Nazarbaev Ziiatkerlik mektebiniń 12-synyp oqýshysy.
Aita keteiik, Qýanysh Máden 2017 jyly «Jas ónertapqysh» nominatsiiasyn ielengen bolatyn. Ónertapqysh aldaǵy ýaqytta óz óniminiń otandyq óndiriste keńinen qoldanylǵanyn qalaidy.
