Abylai Donbaidyń Facebook jelisindegi sýreti
Densaýlyq saqtaý ministri Ajar Ǵiniiat Shymkenttegi belgili transplantolog pen densaýlyq saqtaý basqarmasy arasyndaǵy janjalǵa qatysty pikir bildirdi, - dep habarlaidy Tengrinews.kz.
"Bas dárigerlerdi taǵaiyndaý - bul jergilikti ózin-ózi basqarý men memlekettik múlik týraly zań sheńberindegi ákimdikterdiń quzyreti. Eńbek shartynyń buzylýyna bailanysty ákimdik qaraityn bolady. Ol joǵary deńgeili maman, transplantolog bolǵandyqtan, mundai mamandar hirýrgiia bólimi jáne transplantologiia litsenziiasy bar barlyq meditsinalyq uiymǵa qajet. Sondyqtan biz osyndai kadrlardy qoldaimyz. Meniń oiymsha, ol jumyssyz qalmaidy", - dedi ministr.
Ǵiniiat ministrlikten transplantologpen eshkim sóilespegenin málimdedi. Ministr Densaýlyq saqtaý basqarmasyna qońyraý shalyp, ol týraly máseleni qatań túrde zań aiasynda sheshýdi talap etken.
"Osyndai kadrlardyń ketýine jol bermeý úshin búginde Májiliste úlken jaýapkershilik júkteletin salada qyzmet etetin joǵary deńgeidegi mamandardy qoldaýǵa arnalǵan zań jobasy ázirlenip jatyr", - dedi ministr.
Eske sala keteiik, 11 shildede Shymkenttegi belgili transplantolog-hirýrg Abylai Donbai jumystan shyǵatyny týraly málimdegen edi. Ol densaýlyq saqtaý basqarmasy basshysynyń qysymyna bailanysty transplantatsiialaý operatsiialaryn júrgizbeitinin habarlady. Hirýrgtyń aitýynsha, oǵan tynysh jumys isteýge múmkindik bermeidi.
