© AP Photo / Kyle Green
Shymkenttegi jarylystan qatty jaraqat alǵan sanitar áielderdiń bireýi salalyq bólimge aýystyryldy. Al ekinshisi áli jansaqtaý bóliminde jatyr, onyń jaǵdaiy aýyr, dep habarlaidy Sputnik Qazaqstan.
Oblystyq klinikalyq aýrýhana bas dárigeriniń orynbasary Shyńǵys Seiilbekovtyń aitýynsha, jarylys bolǵan kúni tórt adam jetkizilgen.
"Oblystyq klinikalyq aýrýhananyń jansaqtaý bóliminde bir patsient qana bolǵan. Qazirgi kezde ony salalyq bólimge aýystyrdy. Statsionarda em qabyldap júr. Jalpy, barlyq adamdardyń jaǵdaiy turaqty. Qazirgi kezde tórt áiel em-dom alyp jatyr", - dedi Seiilbekov.
Onyń aitýynsha, jarylys kezinde zardap shekken basqa adamdar qalalyq aýrýhanalarǵa aparǵan. Sputnik Qazaqstan Shymkent qalasynyń densaýlyq saqtaý basqarmasyna habarlasyp, olardyń jaǵdaiyn da bildi.
"Bizde qazir qalalyq aýrýhanalarda tórt adam jatyr. Bireýi neirohirýrgiiada, bireýi jansaqtaý bóliminde, bireýi jaraqat bóliminde, taǵy bir adam hirýrgiiada jatyr. Jansaqtaý bóliminde jatqan adamnyń jaǵdaiy aýyr, turaqty. Qalǵandardyń jaǵdaiy ortasha jaqsy", - dedi basqarmanyń baspasóz hatshysy Laýra Naqypqyzy.
Aita keteri, keshegi brifingte oblystyq densaýlyq saqtaý basqarmasynyń basshysy Marat Pashimov jansaqtaý bóliminde eki adamnyń jatqanyn aitqan.
Ekeýi de perinataldyq ortalyqtyń qyzmetkeri, sanitar áielder. Jarylys kezinde zardap shekkenderdiń basym bóligi – meditsina qyzmetkerleri.
Atap aitqanda, tórteýi kishi býyn qyzmetkerleri bolsa, bireýi – medbike. Budan bólek, taǵy eki jumysshy bar.
Shymkenttegi dárihanada bolǵan jarylystan úsh adam qaitys boldy. Kúzetishiniń máiiti úiindilerdiń arasynan tabylsa, kúrdeli jóndeý jasaǵan bir jumysshy aýrýhanada kóz jumdy. Sol kezde perzenthanada jatqan náreste de qaitys boldy.
