© AP Photo / Kyle Green
شىمكەنتتەگٸ جارىلىستان قاتتى جاراقات العان سانيتار ەيەلدەردٸڭ بٸرەۋٸ سالالىق بٶلٸمگە اۋىستىرىلدى. ال ەكٸنشٸسٸ ەلٸ جانساقتاۋ بٶلٸمٸندە جاتىر, ونىڭ جاعدايى اۋىر, دەپ حابارلايدى Sputnik قازاقستان.
وبلىستىق كلينيكالىق اۋرۋحانا باس دەرٸگەرٸنٸڭ ورىنباسارى شىڭعىس سەيٸلبەكوۆتىڭ ايتۋىنشا, جارىلىس بولعان كٷنٸ تٶرت ادام جەتكٸزٸلگەن.
"وبلىستىق كلينيكالىق اۋرۋحانانىڭ جانساقتاۋ بٶلٸمٸندە بٸر پاتسيەنت قانا بولعان. قازٸرگٸ كەزدە ونى سالالىق بٶلٸمگە اۋىستىردى. ستاتسيوناردا ەم قابىلداپ جٷر. جالپى, بارلىق ادامداردىڭ جاعدايى تۇراقتى. قازٸرگٸ كەزدە تٶرت ەيەل ەم-دوم الىپ جاتىر", - دەدٸ سەيٸلبەكوۆ.
ونىڭ ايتۋىنشا, جارىلىس كەزٸندە زارداپ شەككەن باسقا ادامدار قالالىق اۋرۋحانالارعا اپارعان. Sputnik قازاقستان شىمكەنت قالاسىنىڭ دەنساۋلىق ساقتاۋ باسقارماسىنا حابارلاسىپ, ولاردىڭ جاعدايىن دا بٸلدٸ.
"بٸزدە قازٸر قالالىق اۋرۋحانالاردا تٶرت ادام جاتىر. بٸرەۋٸ نەيروحيرۋرگييادا, بٸرەۋٸ جانساقتاۋ بٶلٸمٸندە, بٸرەۋٸ جاراقات بٶلٸمٸندە, تاعى بٸر ادام حيرۋرگييادا جاتىر. جانساقتاۋ بٶلٸمٸندە جاتقان ادامنىڭ جاعدايى اۋىر, تۇراقتى. قالعانداردىڭ جاعدايى ورتاشا جاقسى", - دەدٸ باسقارمانىڭ باسپاسٶز حاتشىسى لاۋرا ناقىپقىزى.
ايتا كەتەرٸ, كەشەگٸ بريفينگتە وبلىستىق دەنساۋلىق ساقتاۋ باسقارماسىنىڭ باسشىسى مارات پاشيموۆ جانساقتاۋ بٶلٸمٸندە ەكٸ ادامنىڭ جاتقانىن ايتقان.
ەكەۋٸ دە پەريناتالدىق ورتالىقتىڭ قىزمەتكەرٸ, سانيتار ەيەلدەر. جارىلىس كەزٸندە زارداپ شەككەندەردٸڭ باسىم بٶلٸگٸ – مەديتسينا قىزمەتكەرلەرٸ.
اتاپ ايتقاندا, تٶرتەۋٸ كٸشٸ بۋىن قىزمەتكەرلەرٸ بولسا, بٸرەۋٸ – مەدبيكە. بۇدان بٶلەك, تاعى ەكٸ جۇمىسشى بار.
شىمكەنتتەگٸ دەرٸحانادا بولعان جارىلىستان ٷش ادام قايتىس بولدى. كٷزەتٸشٸنٸڭ مەيٸتٸ ٷيٸندٸلەردٸڭ اراسىنان تابىلسا, كٷردەلٸ جٶندەۋ جاساعان بٸر جۇمىسشى اۋرۋحانادا كٶز جۇمدى. سول كەزدە پەرزەنتحانادا جاتقان نەرەستە دە قايتىس بولدى.
