Shymkentte jaýǵan nóser jaýyn men qardyń saldarynan kóptegen aǵashtar qulap, elektr jelileri úzildi. Shaharda 8 myńǵa jýyq abonent elektr jaryǵynsyz qaldy, dep habarlaidy qalalyq ákimdiktiń baspasóz qyzmeti.
Qalalyq ákimdiktiń málimetinshe, tótenshe jaǵdaidyń zardabyn joiýǵa qaladaǵy kommýnaldyq qyzmetter men TJD 111 tehnikasy, jeke quramnan 600 adam, sondai-aq «Ońtústik Jaryq Tranzit» JShS-nyń 24 apatty qalpyna keltirý brigadasy jumyldyrylǵan.
«Búgin saǵat 12.00-degi jaǵdai boiynsha 5800 abonent avariialyq qyzmetterdiń kómegimen qaita elektr júiesine qosyldy. Qalǵan 12 núktedegi 2200 abonentke elektr qýatyn berý jumystary jalǵasýda» delingen habarlamada.
Al qalalyq TJD deregine qaraǵanda, shaharda 30-dan asa aǵashtyń qulaýy tirkelgen. 21 jeńil avtokólik zardap shekken.
