شىمكەنتتە جاۋعان نٶسەر جاۋىن مەن قاردىڭ سالدارىنان كٶپتەگەن اعاشتار قۇلاپ, ەلەكتر جەلٸلەرٸ ٷزٸلدٸ. شاھاردا 8 مىڭعا جۋىق ابونەنت ەلەكتر جارىعىنسىز قالدى, دەپ حابارلايدى قالالىق ەكٸمدٸكتٸڭ باسپاسٶز قىزمەتٸ.
قالالىق ەكٸمدٸكتٸڭ مەلٸمەتٸنشە, تٶتەنشە جاعدايدىڭ زاردابىن جويۋعا قالاداعى كوممۋنالدىق قىزمەتتەر مەن تجد 111 تەحنيكاسى, جەكە قۇرامنان 600 ادام, سونداي-اق «وڭتٷستٸك جارىق ترانزيت» جشس-نىڭ 24 اپاتتى قالپىنا كەلتٸرۋ بريگاداسى جۇمىلدىرىلعان.
«بٷگٸن ساعات 12.00-دەگٸ جاعداي بويىنشا 5800 ابونەنت اۆارييالىق قىزمەتتەردٸڭ كٶمەگٸمەن قايتا ەلەكتر جٷيەسٸنە قوسىلدى. قالعان 12 نٷكتەدەگٸ 2200 ابونەنتكە ەلەكتر قۋاتىن بەرۋ جۇمىستارى جالعاسۋدا» دەلٸنگەن حابارلامادا.
ال قالالىق تجد دەرەگٸنە قاراعاندا, شاھاردا 30-دان اسا اعاشتىڭ قۇلاۋى تٸركەلگەن. 21 جەڭٸل اۆتوكٶلٸك زارداپ شەككەن.
