Foto: ashyq derekkóz
Shymkenttegi №59 «Aisha» memlekettik bóbekjaiynda tárbieshi balalardy inemen qorqytyp, uiqyǵa jatqyzǵan, dep habarlaidy Ult.kz.
Áleýmettik jelide balabaqshanyń jatyn bólmesindegi kameradan túsirilgen video jariialady. Videodan tárbieshiniń balalardy shpritspen qorqytyp, uiyqtatyp jatqanyn kórýge bolady.
Videodaǵy balalarǵa qatygezdik tanytqanyn kórgen ata-analar ashýlanyp, kózine jas aldy. Olar tárbieshi balalardy inemen qorqytyp, psihologiialyq jaraqat saldy dep shaǵymdandy.
Oqiǵa boiynsha jedel keńes ótkizilgen. Keńeske prokýratýra, politsiia, qalalyq bilim basqarmasy men densaýlyq saqtaý basqarmasy qyzmetkerleri, balabaqsha ujymy jáne ata-analar qatysty.
Shymkent politsiia departamenti ata-analardyń shaǵymynan keiin tárbieshige qatysty qylmystyq is qozǵalǵanyn málimdedi.
«Qazir is boiynsha barlyq mán-jaidy tolyq, obektivti jáne jan-jaqty anyqtaý úshin jedel jáne keshendi tergeý sharalary júrgizilip jatyr»,- delingen habarlamada.
