© Photo : Otyrar.kz
Shymkent qalasyndaǵy avtobýs apatynda aýyr jaraqat alǵan qyzdyń jaǵdaiy jaqsaryp keledi. Úide ony múgedektigi bar anasy men bes baýyry kútip otyr, dep habarlaidy Sputnik Qazaqstan agenttigi Otyrar.kz portalyna silteme jasap.
Qazirgi kezde 18 jastaǵy qyz qalalyq klinikalyq aýrýhanada em-dom alyp jatyr. Alty kún buryn jansaqtaý bólimine bas-mi jaraqatymen túsken. Biraz jeri kógergen. Miy shaiqalǵan. Degenmen ota jasaýdyń qajeti bolmaǵan.
1 aýrýhananyń bólim meńgerýshisi Eldar Smaǵulovtyń aitýynsha, bas kezinde patsienttiń jaǵdaiy aýyr bolǵan.
"Ony jansaqtaý bólimine jatqyzdyq. Sosyn barlyq maman qarap shyqty. Qazirgi kezde jaǵdaiy ortasha, ota jasaýdyń qajeti joq", - deidi Smaǵulov.
Eske salaiyq, 8 sáýir keshki saǵat 18:30 shamasynda "Metro" saýda úiiniń janyndaǵy eki kósheniń qiylysynda júrgizýshiniń basqarýynsyz qalǵan avtobýs qarsy baǵytqa shyǵyp ketip, jaiaý júrginshi jolaǵynda turǵan 6 adamdy qaǵyp ketken. 5 adam kóz jumdy, 1 adam aýrýhanada jatyr.
Osy tragediiadan keiin qala barlyq avtoparkte júrgizýshilerdiń kásibi daiyndyǵyn tekserýge sheshim qabyldandy.
