Shymkentte jolaýshylardy 1,5 mln teńgege aldaǵan taksi júrgizýshisi sottaldy, – dep habarlaidy Polisia.kz.
Jergilikti turǵyn jolaýshylardy jetkizip salý barysynda sózge tarta otyryp, páter alýǵa kómektesemin dep sendirgen. Azamattyń sózine sengen qarapaiym adamdar qyzmeti úshin suraǵan 100-500 myń aralyǵyndaǵy qarajatty bergen. Osylaisha jalpy jeti azamatty aldaǵan alaiaq 1 mln 585 myń teńge kóleminde shyǵyn keltirgen.
"Bul jait boiynsha politsiiaǵa aryzdanǵan turǵyndardyń basynan ótken jaǵdaiy uqsas bolǵandyqtan, bir iske biriktirilip, QR QK-niń 190-babymen (Alaiaqtyq) tirkelgen.
Jedel-izdestirý jumystary barysynda jábirlenýshilerden jaýap alynyp, olardyń aqsha aýdarymdary tekserildi. Nátijesinde, kúdiktiniń jeke basy anyqtalyp, turǵylyqty mekenjaiy boiynsha ustaldy.
Tergeý barysynda azamat óz kinásin tolyǵymen moiyndap, keltirgen shyǵyndy qaitaryp bergen. Alaida azamattyń is-áreketinde alaiaqtyq boiynsha qylmystyq quram bolǵandyqtan, is aiyptaý aktisimen sotqa ótken. Sot sheshimimen er adamǵa QR QK-niń 190-baby 3-bóliginiń 4-tarmaǵynda kórsetilgen qylmystyq quqyq buzýshylyq jasaǵany úshin tórt jyl alty aiǵa bas bostandyǵyn shekteý jazasy taǵaiyndaldy" - delingen habarlamada.
