شىمكەنتتە جولاۋشىلاردى 1,5 ملن تەڭگەگە الداعان تاكسي جٷرگٸزۋشٸسٸ سوتتالدى, – دەپ حابارلايدى Polisia.kz.
جەرگٸلٸكتٸ تۇرعىن جولاۋشىلاردى جەتكٸزٸپ سالۋ بارىسىندا سٶزگە تارتا وتىرىپ, پەتەر الۋعا كٶمەكتەسەمٸن دەپ سەندٸرگەن. ازاماتتىڭ سٶزٸنە سەنگەن قاراپايىم ادامدار قىزمەتٸ ٷشٸن سۇراعان 100-500 مىڭ ارالىعىنداعى قاراجاتتى بەرگەن. وسىلايشا جالپى جەتٸ ازاماتتى الداعان الاياق 1 ملن 585 مىڭ تەڭگە كٶلەمٸندە شىعىن كەلتٸرگەن.
"بۇل جايت بويىنشا پوليتسيياعا ارىزدانعان تۇرعىنداردىڭ باسىنان ٶتكەن جاعدايى ۇقساس بولعاندىقتان, بٸر ٸسكە بٸرٸكتٸرٸلٸپ, قر قك-نٸڭ 190-بابىمەن (الاياقتىق) تٸركەلگەن.
جەدەل-ٸزدەستٸرۋ جۇمىستارى بارىسىندا جەبٸرلەنۋشٸلەردەن جاۋاپ الىنىپ, ولاردىڭ اقشا اۋدارىمدارى تەكسەرٸلدٸ. نەتيجەسٸندە, كٷدٸكتٸنٸڭ جەكە باسى انىقتالىپ, تۇرعىلىقتى مەكەنجايى بويىنشا ۇستالدى.
تەرگەۋ بارىسىندا ازامات ٶز كٸنەسٸن تولىعىمەن مويىنداپ, كەلتٸرگەن شىعىندى قايتارىپ بەرگەن. الايدا ازاماتتىڭ ٸس-ەرەكەتٸندە الاياقتىق بويىنشا قىلمىستىق قۇرام بولعاندىقتان, ٸس ايىپتاۋ اكتٸسٸمەن سوتقا ٶتكەن. سوت شەشٸمٸمەن ەر ادامعا قر قك-نٸڭ 190-بابى 3-بٶلٸگٸنٸڭ 4-تارماعىندا كٶرسەتٸلگەن قىلمىستىق قۇقىق بۇزۋشىلىق جاساعانى ٷشٸن تٶرت جىل التى ايعا باس بوستاندىعىن شەكتەۋ جازاسى تاعايىندالدى" - دەلٸنگەن حابارلامادا.
