102 telefonyna habarlasqan jergilikti turǵyn Temirlan tasjolynyń boiyndaǵy kópirden boijetken qyzdyń sekireiin dep turǵanyn jetkizgen, dep habarlaidy QazAqparat.
Kezekshi bólimniń inspektory sol sátte atalǵan aýmaqty patrýldep júrgen politsiia qyzmetkerlerine habarlaǵan.
Oqiǵa ornyna dereý jetken patrýldik politsiia polkiniń 10-shy rotasynyń inspektorlary Marat Isahanov pen Abylaihan Ábenov kópirdiń qorshaýynda turǵan qyzben sóilesip, mundai asyǵys áreket jasamaý qajettigin túsindirgen.
Boijetkenniń kóńili bir sát basqa jaqqa aýǵanyn paidalanǵan politseiler ony ustap alyp, qaýipsiz jerge jetkizdi.
Ári qarai tártip saqshylary jedel járdem shaqyrǵan.
Qyzben profilaktikalyq áńgime júrgizildi.
Boijetken jigitimen janjaldasyp, sodan keiin osyndai sharasyz qadamǵa barǵanyn aitty.
