22 jeltoqsanda Shymkentte jedel járdem stantsiiasynyń júrgizýshileri ereýilge shyqty. Qyzmetkerler jalaqyny kóterýdi talap etti jáne jappai jumystan shyǵatyndaryn aityp qorqytty.
Kólik júrgizýshileriniń aitýynsha, olarǵa kólikterdi óz qarajatyna jóndetip, janarmai quiýǵa májbúrleidi. Alaida ákimshilik bul aiyptaýlardy joqqa shyǵardy, dep habarlaidy Sputnik agenttigi Almaty.tv arnasyna silteme jasap.
"Munda jumys isteitinderdiń 90%-iniń krediti bar, jalaqy múldem jetpeidi. Azyq-túlik alý kerek, balalar aýyrady, dári satyp alý qajet. Jaqsy ómirden ereýilge shyǵyp jatqan joqpyz", - dep málimdedi qalalyq jedel járdem satntsiiasynyń júrgizýshisi Daniiar Qosaev.
Ol munda 10 jyldan beri jumys isteidi. Onyń aitýynsha, nebári 70 myń teńge jalaqy alady.
Onyń sózinshe, qyzmettik kólikke de aqsha jumsaýǵa májbúr. Qyzmetkerlerdiń aitýynsha, jol qozǵalysy erejelerin buzýǵa májbúr bolǵanda keletin aiyppuldy eseptemegende, kólikke janarmaidy óz qaltasynan quiýǵa týra keledi.
Sondai-aq júrgizýshiler qarashada zeinetaqy tólemi berilmegenin aitty.
"Iá, qarashada zeinetaqy tólemin aýdara almadyq, sebebi mundai jaǵdaida jalaqyǵa aqsha jetpei qalatyn edi. Al qosalqy bólshekterge qatysty biz 12 million teńge bóldik. Qajetti zattyń bárin satyp aldyq. Al olardyń kólikti óz qarajatyna jóndeitinin ózderinen birinshi ret estip turmyn. Bul – jala!", - deidi qalalyq jedel járdem stantsiiasynyń bas dárigeri Gúlnár Qurmanbekova.
Jedel járdem stantsiiasy basshylyǵynyń qaramaǵyndaǵy qyzmetkerlermen janjaldasý oiynda joq. Al jalaqyny kóterý máselesi ministrlik deńgeiinde sheshiledi, dep aitty ákimshilik.
