Shymkentte qyzǵa pyshaqpen shabýyldamaq bolǵan er adam ustaldy, - dep habarlaidy Tengrinews.kz.
Politsiia málimetinshe, kúdikti óz úiinde jasyrynǵan. Ol 22 jastaǵy er adam bolyp shyqty. Politsiia er adam qyzǵa qandai maqsatta shabýyl jasamaq bolǵanyn tergeý qupiiasyna silteme jasai otyryp, jariialamady. Tek shabýyl jasaǵan er adam qazir politsiia bóliminde ekeni belgili.
"Politsiia qyzmetkerleriniń jedel ustaýy jáne táýlik boiy júrgizilgen jedel-izdestirý jumystary nátijesinde kúdikti beinekamera kómegimen anyqtalyp, turǵylyqty jerinde ustaldy. Bul oqiǵa QR Qylmystyq kodeksiniń 293-baby "Buzaqylyq" boiynsha tirkeldi. Qazirgi ýaqytta ustalǵan er adamǵa qatysty sotaldy tergeý amaldary júrgizilip jatyr", - dedi Shymkent qalalyq PD baspasóz qyzmeti ókilderi.
Eger onyń kinási dáleldese, er adamǵa eki myń AEK-ke deiingi mólsherde aiyppul salynady, ne sol mólsherde túzeý jumystary, ne alty júz saǵatqa deiingi merzimge qoǵamdyq jumystarǵa tartý, ne eki jylǵa deiingi merzimge bas bostandyǵyn shekteý, ne sol merzimge bas bostandyǵynan aiyrý jazasy qarastyrylady.
Eske salaiyq, buǵan deiin Shymkentte pyshaq ustaǵan er adam boijetkenge shabýyl jasaǵany habarlanǵan bolatyn. Qyz bul jaǵdai týraly politsiiaǵa habarlaýǵa tyrysqanda, olar jábirlenýshiniń qysqa kiim kigenin aityp, er adamnyń qylmysyn aqtaýǵa tyrysqan.
