Shymkentte qaiǵyly jol-kólik oqiǵasy saldarynan úsh bala aýyr jaraqat alyp, balalardyń anasy qaza tapty, - dep habarlaidy Tengrinews.kz.
Qaiǵyly oqiǵa 26 tamyzda túngi saǵat 2.00 shamasynda Báidibek bi dańǵyly men Kósherov kósheleriniń qiylysynda bolǵan.
"Jol apaty saldarynan kámeletke tolmaǵan balalardyń anasy qaitys boldy. Onyń úsh balasy jaralanǵan. Balalardyń biriniń jaǵdaiy aýyr dep baǵalanyp otyr. Kólik tizgininde otyrǵan kúieýi jeńil jaraqat alǵan", - delingen habarlamada.
Jol apaty Toyota Camry jáne Audi A8 markaly eki kóliktiń kóshe qiylysynda soqtyǵysýy saldarynan bolǵan.
"Toyota Camry kóligin júrgizip kele jatqan 29 jastaǵy azamat Bozaryq kóshesinen Kósherov kóshesine burylǵan sátte Audi A8 kóliginiń 2000 jyly týǵan júrgizýshisi Tólemetov kóshesimen Bozaryq jaqqa burylǵan", - delingen aqparatta.
Soqtyǵys bolǵan kezde baǵdarsham janyp turǵan. Qazir politseiler jol apatynyń barlyq mán-jaiyn anyqtap jatyr.
