Shymkentte koronavirýs juqtyryp qaitys bolǵan 1964 jyly týǵan er adam – Túrkistan oblysy Maqtaral aýdany Atakent aýylynyń turǵyny. Bul týraly qalalyq densaýlyq saqtaý basqarmasy habarlady.
Basqarmanyń dereginshe, ol 1989 jyly týǵan ulymen birge Máskeý – Shymkent – Almaty baǵyty boiynsha júk kóligimen kele jatyp, ystyǵy kóterilip Shymkentte jedel járdemge habarlasqan. 28 naýryzda ol Shymkent qalasy juqpaly aýrýlar aýrýhanasyna jatqyzylǵan. Al uly júk kólikpen Almatyǵa qarai ketken.
Keiin jaǵdaiy kúrt nasharlap, jasandy tynys alý apparatyna qosylǵan. Ol 5 sáýir tún aýa qaitys bolǵan. Densaýlyq saqtaý basqarmasy marqumnyń buryn týberkýlezben aýyrǵanyn, pnevmoniia men qant diabeti shaldyqqanyn aitady. Koronavirýs onyń jaǵdaiyn qiyndatyp jibergen.
Júk kóligimen Almatyǵa jetken uly sol qalada stantsionarǵa jatqyzylǵan.
Qazaqstanda qazir 569 adamnan koronavirýs tabyldy. 36 adam dertten aiyqty. Alty adam qaitys boldy.
4 sáýirde Túrkistan jáne Aqmola oblysynda eki adamnyń virýstan kóz jumǵany belgili boldy. 31 naýryzda Nur-Sultanda 50 jastaǵy er adam qaitys bolǵan. 26 naýryzda Aqmola oblysy Qosshy aýylynyń 64 jastaǵy turǵyny kóz jumǵan edi.
