Shymkent qalasynda koronavirýs juqtyrǵan úshinshi adamnyń otbasynda tusaýkeser jáne qudalyq bolǵan. Osy toida bolǵan toǵyz adamnan 2 sáýirde koronavirýs anyqtaldy. Onyń segizi – Shymkent qalasynda, bireýi – Túrkistan oblysy Sairam aýdanynda. Bul týraly Azattyqqa Shymkent qalalyq taýarlar men kórsetilgen qyzmetterdiń sapasy men qaýipsizdigin baqylaý departamentiniń basshysy Ábdimanap Tólebaev aitty, dep habarlaidy Azattyq.
Shymkentte úshinshi adamnan virýs 1 sáýirde tabylǵan. Qazir toi bolǵan úi virýs oshaǵyna ainalǵan. Koronavirýs juqtyrǵandarmen bailanysta bolǵan júzden astam karantinde.
3 sáýirdegi málimet boiynsha, Shymkentte koronovirýs juqtyrǵandar sany 11 adamǵa jetti. 4 sáýirde Shymkent tolyq karantinge jabylatyny habarlandy. Naýryzdyń sońynda Shymkentte 24 jastaǵy er adamnan virýs tabylǵan. Ol qalaǵa Nur-Sultannan avtobýspen kelgen. Keiin onyń sheshesine de virýs juqqan.
Qazaqstanda jalpy 453 adamnan virýs tabyldy. 29 adam dertten aiyqty. 3 adam qaitys boldy.
