Shymkentte bir adamdy beton plitalary basyp qaldy, dep habarlaidy QazAqparat.
Búgin saǵat 12:25 shamasynda «112» qutqarý qyzmetiniń basqarý pýltine habarlasqan turǵyn burynǵy kókónis bazasynyń aýmaǵynda qurylys júrip jatqan ǵimarattyń tóbesi qulaǵanyn jetkizgen.
Oqiǵa ornyna quramynda 6 qutqarýshy jáne Shymkent qalasy tótenshe jaǵdai departamentiniń qyzmetkerleri bar jedel-qutqarý bólimshesi bardy.
Qutqarýshylar «Kókónis bazasynyń» aýmaǵynda ornalasqan «Kýliev» jeke kásipkerligine tiesili saýda úiiniń qurylysy kezinde 400 sharshy metr alańda beton plitalarynan quralǵan tóbe jabyny qulaǵanyn anyqtady.
Oqiǵa ornynda Túrkistan oblysy Saryaǵash aýdanynda 1985 jyly týǵan azamat qaitys boldy.
Shymkent qalasy tótenshe jaǵdai departamentiniń Jedel-qutqarý jasaǵynyń qyzmetkerleri marqumnyń denesin alyp beton astynan shyqty.
Oqiǵa ornynda tótenshe jaǵdai departamentiniń eki qyzmetkeri, jedel-qutqarý jasaǵynyń 6 qyzmetkeri 1 tehnikasy, 1 kinologiialyq, Apattar meditsinasy ortalyǵy filialynyń bir brigadasy jumys istedi.
