QR Qarjylyq monitoring agenttiginiń Shymkent qalasy boiynsha aýmaqtyq departamenti «Svoi dom» qarjylyq (investitsiialyq) piramidasyn qurý jáne basqarý faktisi boiynsha qylmystyq isti tergep jatyr, dep habarlaidy QazAqparat.
QR Qarjylyq monitoring agenttiginiń baspasóz qyzmetiniń habarlaýynsha, tergeý organy elimizdiń ońtústik óńirleriniń turǵyndarymen «Svoi dom» investitsiialyq baǵdarlamasy boiynsha tólengen somadan 7 kún ishinde 40%-ǵa deiin paida tabý shartymen kelisim jasasqan kúdiktini anyqtady.
Qarjy piramidalaryn qurý Qazaqstan Respýblikasy Qylmystyq kodeksiniń 217-baby boiynsha qylmystyq jaýapkershilikti kózdeidi, ol úshin múlki tárkilenip, 10 jylǵa deiin bas bostandyǵynan aiyrý jazasy qarastyrylǵan.
«Svoi dom» qarjy piramidasynyń qurbanyna ainalǵan azamattarǵa Shymkent qalasy boiynsha ekonomikalyq tergeý departamentine nemese 8(7252) 77-14-48, 8-700-690-52-39 telefonyna habarlasýdy suraimyz.
