قر قارجىلىق مونيتورينگ اگەنتتٸگٸنٸڭ شىمكەنت قالاسى بويىنشا اۋماقتىق دەپارتامەنتٸ «سۆوي دوم» قارجىلىق (ينۆەستيتسييالىق) پيراميداسىن قۇرۋ جەنە باسقارۋ فاكتٸسٸ بويىنشا قىلمىستىق ٸستٸ تەرگەپ جاتىر, دەپ حابارلايدى قازاقپارات.
قر قارجىلىق مونيتورينگ اگەنتتٸگٸنٸڭ باسپاسٶز قىزمەتٸنٸڭ حابارلاۋىنشا, تەرگەۋ ورگانى ەلٸمٸزدٸڭ وڭتٷستٸك ٶڭٸرلەرٸنٸڭ تۇرعىندارىمەن «سۆوي دوم» ينۆەستيتسييالىق باعدارلاماسى بويىنشا تٶلەنگەن سومادان 7 كٷن ٸشٸندە 40%-عا دەيٸن پايدا تابۋ شارتىمەن كەلٸسٸم جاساسقان كٷدٸكتٸنٸ انىقتادى.
قارجى پيراميدالارىن قۇرۋ قازاقستان رەسپۋبليكاسى قىلمىستىق كودەكسٸنٸڭ 217-بابى بويىنشا قىلمىستىق جاۋاپكەرشٸلٸكتٸ كٶزدەيدٸ, ول ٷشٸن مٷلكٸ تەركٸلەنٸپ, 10 جىلعا دەيٸن باس بوستاندىعىنان ايىرۋ جازاسى قاراستىرىلعان.
«سۆوي دوم» قارجى پيراميداسىنىڭ قۇربانىنا اينالعان ازاماتتارعا شىمكەنت قالاسى بويىنشا ەكونوميكالىق تەرگەۋ دەپارتامەنتٸنە نەمەسە 8(7252) 77-14-48, 8-700-690-52-39 تەلەفونىنا حابارلاسۋدى سۇرايمىز.
