Shymkentte koronavirýs juqtyryp, statsionarlarda em alýshylardyń sany 56,9 paiyzǵa tómendep otyr. Bul týraly qala ákimi Murat Áitenov málim etti, dep habarlaidy "Ult aqparat".
Murat Áitenovtiń aitýynsha, shaharda koronavirýs infektsiiasynyń taralý qarqyny báseńdei bastaǵan.
«Osy aidyń basyndaǵy kórsetkishtermen salystyrǵanda koronavirýs juqtyrǵandardyń sany eki esege tómendegen. Sonymen qatar, jedel járdem shaqyrtý 43 paiyzǵa azaiyp, jaǵdai turaqtala bastady», -dedi qala basshysy.
Qala qoimalarynda bir ailyq dári qory jasaqtalǵan.
«Búginde shet memleketten 2 mln 676 myń flakon birinshi kezektegi dáriler men 16 mln 700 myń maska jetkizildi. Sondai-aq, qosymsha 58 ókpeni jasandy jeldetý apparaty, 250 «Bobrov» tynys alý apparaty jáne 26 reanimatsiialyq monitorlar alyndy. Qazirgi tańda, reanimatsiialyq orynnyń 88,7 paiyzy ÓJJ apparattarymen qamtylyp otyr», - dedi ákim
Sonymen qatar, Murat Áitenov tótenshe jaǵdaiǵa orai tabysynan aiyrylǵan azamattarǵa tiesili 42500 teńge kólemindegi birjolǵy tólem Shymkent qalasynyń 100 504 azamatyna berilgenin atap ótti.
Eske sala ketsek, keshe oblys ákimderi Memleket basshysy Qasym-Jomart Toqaevqa elimizdiń óńirlerindegi jaǵdai týraly baiandaǵan bolatyn. Sonyń ishinde Shymkent qalasynyń ákimi qazirgi sanitarlyq-epidemiologiialyq jaǵdai, koronavirýs indetiniń taralýyna jol bermeý, sondai-aq karantin rejimin qamtamasyz etý jáne áleýmettik kómekke muqtaj turǵyndarǵa qoldaý kórsetý maqsatynda qabyldanyp jatqan sharalardy tolyqqandy baiandap shyqty. Telefon arqyly sóilesý barysynda Prezident ahýaldy qatań baqylaýda ustap, atalǵan mindetke basym baǵyt retinde mán berýdi tapsyrdy. Bul rette karantin sharalaryn saqtaýdyń mańyzdy ekeni jáne halyqqa túsindirý jumystaryn belsendi túrde júrgize berý kerektigin aitty.
