Shymkent qalasynda sirek kezdesetin aýrýǵa shaldyqqan áiel deni saý balany dúniege ákeldi.
29 jastaǵy Zaretta Qurmanǵujynova perzenthanadan tuńǵyshymen birge shyqty. Týǵanynan eki qolynyń saýsaqtary durys bitpei qalǵan áielge "jetilmegen osteogenez" diagnozy da qoiylǵan. Soǵan qaramastan, ol deni saý náreste bosandy, dep habarlaidy Sputnik Qazaqstan agenttigi Otyrar.kz portalyna silteme jasap.
"Dárigerlerge úlken rahmet aitamyn. Men ulyma jaqsy tárbie berý úshin barymdy salamyn. Bárin istei alamyn dep oilaimyn. Ulyma musylmannyń atyn berip, Danial dep qoidyq", - deidi Zaretta.
Aita keteri, genetikanyń buzylýy saldarynan adam "jetilmegen osteogenez" aýrýyna shaldyǵady. Ondaida súiekter jii synady. Oǵan shaldyqqan adamnyń kóbisi bala kezinen bastap ózdigimen júre almaidy. Múgedek arbasyn qoldanýǵa májbúr bolady.
Resmi málimetke sáikes, Qazaqstanda, shamamen, 70 bala "jetilmegen osteogenez" aýrýyna shaldyqqan.
