Shymkentte belgili qoǵam belsendisi Rýslan Janpeiisovti ustaldy, dep habarlaidy qalalyq politsiia departamenti.
Buǵan deiin áleýmettik jelide qoǵam belsendisin ustaý kezindegi kadrlar paida bolǵan edi.
Politsiianyń málimetine sáikes, 18 maýsymynda Shymkent qalasynyń turǵyny dene jaraqatyn alǵanyn aityp, politsiiaǵa aryzdanǵan. Ol Rýslan Janpeiisovti kinálap otyr.
"Bul jait QR qylmystyq kodeksiniń 293-baby 3-bóligi ("Buzaqylyq") jáne 107-babynyń 1-bóligi ("densaýlyqqa qasaqana aýyrlyǵy ortasha ziian keltirý") boiynsha sotqa deiingi tergeýdiń biryńǵai reestrine tirkelgen", - dep jazylǵan habarlamada.
Sondai-aq, politsiia qyzmetkerin qyzmettik mindetterin atqarý kezinde qorlaý faktisi boiynsha sotqa deiingi tergep-tekserý amaldary júrgizilip jatqany habarlanady.
Bul baptyń biri boiynsha úsh jyldan jeti jylǵa deiin bas bostandyǵyn shekteý nemese bas bostandyǵynan aiyrý qarastyrylǵan. Al ekinshisi boiynsha eki jylǵa bas bostandyǵyn shekteý nemese bas bostandyǵynan aiyrý jazasy qoldanylýy múmkin.
Qazirgi tańda quqyq buzýshy Shymkent qalasynyń ýaqytsha ustaý izoliatoryna qamaýǵa alyndy.
Rýslan Janpeiisov - tártip saqshylaryn videoǵa túsirip, jelige salý arqyly tanylǵan qoǵam belsendisi.
2017 jyly Shymkentte aqsha bopsalaýǵa bailanysty isi qaralǵan. Onyń bas bostandyǵy eki jarym jylǵa shektelgen edi.
