Foto: t.me/ainura_zarina
Shymkentte Toyota Land Cruiser jol talǵamaityn kóligi aiyp turaǵyna qoiyldy, onyń iesi jalǵan memlekettik nómirmen júrgen, - dep habarlaidy Tengrinews.kz.
Bul jaǵdai naýryzda áleýmettik jelilerdiń arqasynda belgili boldy. Jeli qoldanýshylary Shymkent qalasynyń Abai aýdany prokýratýrasynyń kólik turaǵynda 00* PR 17 memlekettik nómirimen jańa Toyota Land Cruiser turǵanyna nazar aýdarǵan. Jariialanym avtory jol talǵamaityn kólik tirkelmegenin málimdeidi. Dálel retinde osy sandar kombinatsiiasy 2021 jyldyń kúzinde alyp tastalǵany týraly qandai da bir anyqtama kórsetiledi. Sonymen qatar, bul nómirler basqa, Kia K900 kóligine tiesili bolyp shyǵady.
Keiinirek Shymkent qalasynyń politsiia departamenti jaǵdaiǵa qatysty túsinikteme berdi. Tártip saqshylarynyń aitýynsha, patrýldik politsiia polkiniń qyzmetkerleri jariialanymda kórsetilgen kóliktiń júrgizýshisine qatysty shara qoldanǵan.
"Júrgizýshige qatysty ÁQBtK-niń 590-baby 4-bóligi boiynsha hattama jasaldy. Avtokólik aiyp turaǵyna qoiyldy. Politsiia qyzmetkerleri materialdardy sotqa jiberdi. Sot sheshimi boiynsha tártip buzýshyǵa 20 ailyq eseptik kórsetkish, iaǵni 61 260 teńge kóleminde aiyppul salyndy", - dedi Shymkent qalalyq politsiia departamentiniń resmi ókili Saltanat Qarakózova.
Aita keteiik, jalǵan memlekettik nómirmen kólik júrgizgeni úshin 20 AEK kóleminde aiyppul nemese bir jylǵa júrgizýshi quqyǵynan aiyrý jazasy qarastyrylǵan.
