Foto: © Polisia.kz
Shymkentte politseidiń qatysýymen bolǵan jol-kólik oqiǵasy deregi boiynsha tergeý júrgizilip jatyr, – dep habarlaidy "Ult aqparat" Polisia.kz saityna silteme jasap.
3 tamyz saǵat 17:00 shamasynda Baitursynov kóshesindegi jaiaý júrginshiler ótkelinde Turan APB-nyń júrgizýshi politseii qyzmettik avtokólikpen 2 adamdy qaǵyp ketken. Jol-kólik oqiǵasy saldarynan anasy men kámelet jasyna tolmaǵan qyzy aýrýhanaǵa jetkizilgen.
"Atalǵan jait Shymkent qalasy politsiia departamentinde QR Qylmystyq kodeksiniń 345-baby 2-bóligi (Kólik quraldaryn basqaratyn adamnyń abaisyzda adam densaýlyǵyna aýyr ziian keltirýge ákep soqqan jol júrý qaǵidalaryn buzý) boiynsha tirkeldi.
Qajetti saraptamalar taǵaiyndaldy.
Sotqa deiingi tergeýmen PD-nyń anyqtaý basqarmasy ainalysyp jatyr. Tergeý barysy Shymkent qalasy politsiia departamentiniń bastyǵy Qairat Dalbekovtiń qatań baqylaýynda.
Shymkent qalasy PD-nyń basshylyǵy zardap shekkenderden jáne olardyń týystarynan politsiia qyzmetkeri jolda adamdardyń jaraqat alýyna jol bergeni úshin keshirim suraidy" - delingen habarlamada.
