Foto: pexels.com
Shymkentte otbasylyq janjal kezinde óz balasyn pyshaqtap óltirgen er adam psihiatriialyq statsionarda májúrli túrde emdeletin boldy, dep habarlaidy Shymkent qalasynyń qylmystyq ister jónindegi mamandandyrylǵan aýdanaralyq soty.
Qylmystyq is ashyq sot otyrysynda qaraldy. Er adamǵa Qylmystyq kodekstiń 99-babynyń 1-bóligimen (Adam óltirý) aiyp taǵyldy.
Oqiǵa ótken jyldyń 30 qarashasy kúni saǵat 20:00 shamasynda bolǵan.
Qalalyq sot málimetinshe, psihikalyq aýrýmen aýyratyn er adam spirttik ishimdik ishken. Mas halde óz úiinde týǵan ulymen jeke bas arazdyqtyń saldarynan paida bolǵan eregis kezinde ashanalyq pyshaqpen balasyna birneshe ret jaraqat salǵan. Alǵan jaraqat saldarynan 28 jastaǵy jigit qaitys bolǵan.
Sot saraptamalarymen, zattai dáleldemelermen jáne kýálerdiń jaýabymen onyń kinási dáleldengen.
Sot otyrysynda prokýror aiyptalýshyny Qylmystyq kodekstiń 99-baby 1-bóliginde kózdelgen qylmysty jasaǵany úshin kináli dep tanyp, biraq qylmystyq jaýaptylyqtan bosatyp, psihiatriialyq statsionarda májbúrlep emdeý sharalaryn qoldanýdy surady.
Jábirlenýshi men qorǵaý taraby prokýrordyń osy ustanymymen kelisti.
«Sot onyń qoǵamdyq qaýipti áreketti jasaǵan kezde esi durys emes kúide bolǵanyna bailanysty qoǵamdyq qaýipti áreketti jasaǵany úshin qylmystyq jaýaptylyqtan bosatyp, oǵan intensivti baiqaityn mamandandyrylǵan úlgidegi psihiatriialyq statsionarda májbúrlep emdeý sharasyn qoldanyp, qylmystyq isti óndiristen toqtatty. Qaýly zańdy kúshine engen», - delingen qalalyq sot málimetinde.
