© Photo: Otyrar.kz
Shymkentte eski mádeniet úiiniń tóbesi opyrylyp, 18 jastaǵy stýdentti basyp qaldy, dep habarlaidy Sputnik Qazaqstan saity Otyrar.kz portalyna silteme jasap.
Basylym málimetinshe, eski ǵimarat qulaǵan kezde ol kýrstastarymen sol jerde bolǵan.
16 jáne 18 jastaǵy eki stýdent ǵimarattan shyǵyp úlgergen.
Qaiǵyly oqiǵa 18 jeltoqsanda keshki saǵat segizder shamasynda bolǵan. Eski ǵimarattyń shatyry opyrylyp, birinshe qabatqa túsken.
Qutqarýshylar stýdenttiń denesin saǵat 22.30-da tapty. Onyń máiiti 1,5 metr tereńdikten tabyldy.
Mamandar qaiǵyly oqiǵanyń sebebi men mán-jaiyn anyqtaidy.
Bul ǵimarat kásipker Toqtar Tóleshovqa tiesili bolǵan. Uzaq sot protsesinen keiin ǵimarat 2023 jyldyń 13 qarashasynda memleket balansyna ótti.
Basylym málimetinshe, ǵimarattyń tóbe jabyndysynyń jartysy joq bolǵan, sondai-aq metall qurylǵylar kesilgen.
Bul ǵimaratty rekonstrýktsiialap, jastar saraiyna ainaldyrý josparlanǵan edi.
