Shymkentte jeti jyl boiy jasyrynyp júrgen kúdikti ustaldy, - dep habarlaidy Tengrinews.kz Qazaqstan IIM baspasóz qyzmetine silteme jasap.
"Shymkent qalasynda jedel-izdestirý sharalaryn júrgizý kezinde kriminaldyq politsiia qyzmetkerleri izdeýde júrgen kúdiktini ustady. Buǵan deiin politsiia onyń úsh sybailasyn ustaǵan jáne qylmystyq jaýapkershilikke tartty. Olar 2014 jylǵy naýryzda Shymkent qalasynyń Igilik kentinde Moskvich-412 avtokóliginiń salonynda 23 jastaǵy tanysyn zorlaǵan", - dedi IIM ókili.
Kúdiktiniń turǵan jerin anyqtaý jáne ustaý úshin kórshileri men týystary, jaqyn dostary men tanystaryna saýalnama júrgizilgen. Ol jasyrynýy múmin jerler tekserilgen.
"Tergeý organdary qylmyskerge memleketaralyq, keiin halyqaralyq izdeý jariialady. Onyń barýy múmkin elderge: Qyrǵyzstan, Ózbekstan, Tájikstan jáne Resei Federatsiiasynyń IIM-ine baǵdar joldandy. Qylmys jasalǵanǵa deiin kúdikti Resei aýmaǵyna birneshe ret barǵany anyqtaldy. Osyǵan bailanysty qazaqstandyq detektivter kórshi elge issaparǵa bardy. Soǵan qaramastan, jeti jyl izdeýden keiin jedel politsiia qyzmetkerleri "qashqynnyń" ornalasqan jerin anyqtap, ony Shymkent qalasynda "Evrika" saýda ortalyǵynyń janynda ustady", - dep tolyqtyrdy IIM qyzmetkeri.
Er adam "qashqyn" bolǵandyqtan, týystarymen jáne dostarymen qarym-qatynasyn toqtatyp, ártúrli qalalarda jaldamaly páterlerde turyp, páter, úi jóndeýmen ainalysqan.
"Eshkim tanymas úshin únemi bas kiim, qara kózildirik kiip, murtty men saqalyn ósirgen. Adamdar kóp jinalatyn qoǵamdyq oryndarǵa shyqpaǵan. Ol Shymkent politsiia departamentiniń ýaqytsha ustaý izoliatoryna qamaldy", - delingen habarlamada
