Shymkentte qysqy jylytý maýsymynda 10 adam iisten ýlanyp, kóz jumǵan. Bul týraly qalalyq qalalyq Tótenshe jaǵdailar departamenti bastyǵynyń orynbasary Madiiar Jaqsybaev málim etti, dep habarlaidy "Ult aqparat".
Aqparattyq kommýnikatsiialar ortalyǵynda ótken brifingte Madiiar Jaqsybaev turmystyq gaz qurylǵylaryn paidalaný kezinde órt qaýipsizdigi talaptaryn buzý saldarynan oryn alǵan qaiǵyly oqiǵalar jáne olardyń aldyn alý boiynsha atqarylǵan jumystar jaily aityp ótti. Onyń sózinshe, jylý berý maýsymynda ýly gazdan ýlanýdyń 10 oqiǵasy tirkelip, 4 adam jaraqat alǵan.
«Qaiǵyly jaǵdailardyń aldyn alý maqsatynda qaladaǵy turǵyn sektorlarynda órt qaýipsizdigin qamtamasyz etý jáne ýly gazdan ýlanýdyń aldyn alý jumystary júrgizilýde. TJ departamenti qala jáne aýdan ákimdigi, «QazTransGaz Aimaq» AQ Shymkent qalasy boiynsha filialynyń qyzmetkerlerimen, Nur Otan partiiasynyń «Jas Otan» jastar qanatynyń eriktilerimen birlesip, turǵyndarǵa túsindirý sharalaryn atqarýda»,- dedi Madiiar Jaqsybaev.
