Shymkentte koronavirýs juqtyrǵan júkti áiel alǵash ret suhbat berip, basynan ótken jaǵdaidy baiandap berdi. Eki balanyń anasy aýrýdyń bar ekenine senbeitinderdi salǵyrttyq tanytpaýǵa shaqyrdy, dep habarlaidy "Ult aqparat"
Qaýipti dertke shaldyqqan júkti áiel otbasymen birge oqshaýlanyp, aýrýhanada eki aptadan asa em qabyldaǵan. Keiin taǵy 15 kúndei úi karantinine jatqyzylǵan. Úshinshi perzentine júkti kelinshek bir ai boiy qaýipti indetpen alysqanyn aitady. 36 jastaǵy Irina búginde ai kúni jaqyndap qalǵan. Oǵan infektsiia kúieýinen juqqan. Sonymen qatar eki balasynan da virýs anyqtalyp, búkil otbasy múshesi oqshaýlanǵan. Emdik sharalaryn júrgizý úshin dárigerler bir januiadaǵy naýqastardy provizor stantsionaryna jatqyzǵan.
«Aýrýhanaǵa túskende kishkentai balalarymyz arnaiy kastiýmdegi dárigerlerdi kórgende qorqyp ketti. Osy kezde biz balarymyzǵa qarap, ákesi ekeýimiz myqty bolýǵa tyrystyq. Ýaqyt óte kele qaýipti dertti jeńip shyqtyq. Men júkti bolǵandyqtan, dárigerler meniń jáne ishtegi sharanamnyń jaǵdaiyn erekshe baqylap otyrdy. Eń bastysy, infektsiia ishimdegi balaǵa áser etpepti», - deidi Irina.
COVID-19-dan jazylyp shyqqan kelinshek qazir balalaryna barynsha kóńil bólip júr. Bir sát bolsyn, bala-shaǵasyn qaraýsyz qaldyrǵysy kelmeidi. Otbasy qaýipti indetten tolyǵymen aiyǵyp shyqqanymen, kelinshektiń úreii áli basylmaǵan.
«Biz koronavirýstan jazylyp shyqtyq. Biraq aýrýhanadaǵy karantindik jaǵdaidy oilasam, úreilengen kezim birden esime túsedi. Kishkentai balalarmen jan jaǵy jabyq tórt qabyrǵanyń ishinde jatý qiyn boldy. Bul jaǵdaidy bastan ótkizbei, eshkim túsine almaidy. Aýrýdyń bar ekenine senbei júrgen azamattarǵa aitarym, salǵyrttyq tanytpańyzdar. Ózińizdi oilamasańyz da, basqalarǵa ziianyńyz timesin», - deidi Irina.
Qala boiynsha ol siiaqty júkti áielderdiń arasynda indet rastalǵan 15 jaǵdai tirkelgen. Elimizde tótenshe jaǵdai rejimi alynǵanymen, Shymkentte infektsiiaǵa shaldyqqandardyń sany kún sanap artyp barady. Mamandar munyń sebebin josparly teskerýmen bailanystyrady.
Aita keteiik, búginge deiin Shymkentte virýsty infektsiiany juqtyrýdyń 730 jaǵdaiy tirkelgen. Dertke shaldyqqandardyń basym bóligi 50 jasqa deiingi azamattar. Al COVID-19 diagnozyn jeńip shyqqandar sany 241 adamǵa jetti.
