Shymkentte sońǵy táýlikte koronavirýs juqtyrǵan taǵy 5 adam bir otbasy músheleri bolyp shyqty. Bul týraly qalalyq tótenshe jaǵdai shtaby málimet taratty, dep habarlaidy "Ult aqparat".
«Qalada 5 sáýir kúni anyqtalǵan 5 adam — bir otbasynyń múshesi. Olar: ákesi, anasy, aǵasy, áieli, balasy bolyp tabylady. Sol azamattardan alynǵan synama infektsiiaǵa oń nátije kórsetti. Bul naýqastar buǵan deiin Nur-Sultan qalasynan kelgen 24 jasar naýqaspen bailanysta bolǵany anyqtalyp otyr. Qazirgi tańda barlyq indet juqtyrǵandar oqshaýlanyp, qalalyq juqpaly aýrýlar aýrýhanasyna aýystyryldy» delingen habarlamada.
Aita keteiik, úshinshi megapoliste búginge deiin 19 adamnyń qaýipti indetke shaldyqqany anyqtalyp otyr.
