Shymkentte koronavirýs týraly naqty aqparat taratatyn arnaiy sait ashyldy. Munda qala turǵyndary KVI boiynsha jedel statistikamen tanysyp, tiisti aqparattar ala alady, dep habarlaidy "Ult aqparat".
Qalalyq densaýlyq saqtaý basqarmasy basshysynyń mindetin atqarýshy Timýr Varzilovtyń aitýynsha, atalǵan saitta COVID-19, pnevmoniia jáne JRVI-men aýyratyn naýqastar sany men táýlik ishinde aýrýhanaǵa túsken, jazylyp ketken shyqqan naýqastar jaily aqparat jariialanady.
«Turǵyndar COVID-19 byryńǵai aqparattyq portalyna kirip aýrýhanalarda jáne provizorlyq ortalyqtardaǵy jansaqtaý bólimindegi tósek-oryndardyń naýqaspen qamtylý deńgeiin kóre alady. Resýrsta aqparattar kún saiyn jańartylyp otyrady. Sonymen qatar onda dárigerler qatysatyn beine-brifingiler ótkizilip, aýrýdyń aldyn alý, onyń belgileri jáne saqtaný erejeleri týraly maǵlumat beriledi. Sondai-aq saitqa kire otyryp, meditsinalyq mekemeler men provizorlyq ortalyqtardyń meken-jailary men telefondary týraly aqparatty tabýǵa bolady», - dedi Timýr Varzilov.
