Shymkentte «COVID-19» infektsiiasyn taǵy 11 azamattyń juqtyrǵany anyqtaldy. Dertke shaldyqqandar buǵan deiin koronavirýs infektsiiasyna shaldyqqan 1966 jyly týǵan naýqaspen qarym-qatynasta bolǵan, dep habarlaidy "Ult aqparat".
Qalalyq tótenshe jaǵdai shtabynyń sońǵy málimetinshe, úshinshi megapoliste qaýipti indetti juqtyrǵandardyń sany 103 adamǵa jetken.
«Koronavirýsty qalanyń 1983 j., 1987 j., 1990 j., 1988 j., 1973 j., 1993 j., 1994 j .,1997 j.,1976 j., 1995 jyly týǵan turǵyndary juqtyrǵan. Onyń segizi er kisi bolsa, ekeýi áiel. Al, bir naýqas 1984 jyly týǵan naýqas JRVI-men aýyryp, jedel járdem qyzmetimen juqpaly aýrýlar aýrýhanasyna jetkizilgen. PTR diagnostikalyq zertteý qorytyndysymen barlyq naýqastardan «COVID-19» diagnozy naqtylandy. Qazirgi tańda olardyń jaǵdailary qanaǵattanarlyq. Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynǵan. Aýrý oshaqtarynda dezinfektsiialyq jumystar júrgizildi» delingen habarlamada.
