Shymkentte kópbalaly analar úshin arnaiy ortalyq ashylyp, jylyna bir ret 100 myń teńge kóleminde kómek beriledi, dep habarlaidy QazAqparat.
Shahar basshysy Ǵabidolla Ábdirahymov búgingi halyq aldyndaǵy esebinde osylai dedi.
«Shymkentte kópbalaly analar úshin arnaiy ortalyq ashylady. Onda analar ákimdiktiń barlyq qyzmetine qol jetkize alady. Sonymen qatar, tabysy kúnkóris deńgeiinen tómen otbasylarǵa jylyna bir ret beriletin kómek kólemi 25 myń teńgeden 100 myń teńgege deiin artyp, bul qarjy kelesi oqý jylyna daiyndyq úshin tamyz aiynda beriledi», - dedi qala ákimi.
Buǵan qosa jekemenshik úilerge gaz taraǵanda dabyl beretin arnaiy 1000 qural ákimdik tarapynan ornatylmaq.
Aita keteiik, Shymkentte 2200 altyn alqa iegeri, 6600 kúmis alqa iegeri, 511 Batyr ana, 700-den asa I jáne II dárejeli ordenmen marapattalǵan jáne 3200 kópbalaly ana bar.
