Shymkentte qatty jel turyp, sońy jańbyrǵa ulasqan. Aýa-raiynyń kúr buzylýy saldarynan úilerdiń shatyry ushyp, elektr jelileri úzilgen jerlerde jaryq sónip qalǵan, - dep habarlaidy qalalyq TJD baspasóz qyzmeti.
Qatty jelden zardap shekkende tótenshe jaǵdai qyzmetinen kómek surap habarlasqan. Qaladaǵy Ál-Farabi alańy janynda ornalasqan kópqabatty úilerdiń birinde profnastilden jasalǵan shatyr ushyp, jedel járdem avtokóligin basyp qalǵan. Ushqan shatyrdyń kólemi 120 sharshy metrdi quraǵan. Sondai-aq, Tsialkovskii men Dýlati kósheleriniń boiynda ornalasqan úilerdiń de shatyrlary ushqan. Al, Vodopianov kóshesinde ornalasqan bir úidiń ústine úlken tal qulap, elektr symdary úzilgen.
«Barlyq oqiǵalar boiynsha Shymkent qalasy TJD órt sóndirý jáne qutqarý bólimsheleri qyzmetkerleri shyǵyp, avariialyq-qalpyna keltirý jumysyn júrgizdi. Oǵan 20 adam men 6 tehnika jumyldyryldy. Jaraqat alǵandar men qaitys bolǵandar joq. Oqiǵa ornyna energetika qyzmetiniń mamandary da tartyldy» delingen habarlamada.
