Shymkenttiń bas memlekettik sanitar dárigeri Ábdimanap Tólebaevtyń qala aýmaǵynda karantin jáne shekteý sharalaryn uzartý týraly №39 qaýlysy jariialandy, dep habarlaidy "Ult aqparat".
Atalǵan qaýlyǵa sáikes, Shymkent qalasynyń aýmaǵynda 2020 jylǵy 28 qyrkúiek kúni saǵat 00-00-den bastap 2020 jylǵy 12 qazan kúni saǵat 00-00-ge deiin karantin jáne shekteý sharalary uzartylady. Adamdardyń kóp jinalýyna bailanysty eske alý,týǵan kún, mereitoilar, qudalyq, toi, betashar syndy kez kelgen sharanyń ótkizilýine tyiym salynady. 65 jastan asqan adamdardyń qala jáne basqa da qoǵamdyq oryndarda júrýi shekteledi. Qalada júrip-turý kezinde maska kiiý boiynsha mindetti talaptar, adamdar arasynda 2 metr áleýmettik qashyqtyq saqtalýy tiis.
Úilerdiń aýlalarynda, saiabaqtarǵa, alańdarǵa, gúlzarlarǵa, jaǵalaýlarǵa baryp serýendeýge 3 adamnan aspaityn topqa jáne bir otbasy múshelerine ruqsat etiledi. Jalpy paidalaný oryndarynda ornalasqan balalardyń oiyn alańshalaryna barýǵa 3 adamnan aspaityn topqa ǵana ruqsat beriledi.
Qaýlynyń tolyq nusqasyn myna siltemge ótý arqyly tanysýǵa bolady.
