Shymkentte 4 sáýir kúni saǵat 21:00-den bastap karantin rejimi engiziledi, dep habarlaidy Memlekettik komissiianyń shuǵyl shtaby.
Karantin rejimi aiasynda Shymkentte barlyq mekemelerdiń jumysy ýaqytsha toqtatylady. Saiabaqtarǵa, qoǵamdyq tamaqtaný oryndaryna barýǵa bolmaidy, kafeler men meiramhanalar úige jetkizý boiynsha ǵana jumys isteidi.
Qalanyń qoǵamdyq kólikteri tańǵy saǵat 7.00-den keshki 19.00-ge deiin ǵana qyzmet kórsetedi.
Azyq-túlik bazarlary saǵat 10:00-den 18:00-ge deiin, azyq-túlik dúkenderi saǵat 10:00-den 21:00-ge deiin jumys isteitin bolady.
55 jastan asqan adamdarǵa asa qajettilik týyndamaǵan jaǵdaida dalaǵa shyǵýǵa bolmaidy.
Shymkentte virýsty juqtyrǵandardyń jalpy sany búginde 11 adamdy quraidy.
